mánudagur, 24. september 2018
 
TölublöðVenjuleg útgáfa

Met í skipakomum og farþegafjölda

19. janúar 2018 kl. 14:07

Skemmtiferðaskip

Faxaflóahafnir tóku á móti 135 skemmtiferðaskipum í fyrra - þau verða enn fleiri árið 2018.

Árið 2017 voru 135 skipakomur skemmtiferðaskipa til Faxaflóahafna og með þeim komu 128.275 farþegar. Met var í skipakomum sem og farþegafjölda þetta árið. Nýting á farþegarými skemmtiferðaskipanna var 99% og telst það virkilega gott.

Faxaflóahafnir segja frá.

Þegar farþegafjöldinn fyrir árið 2017 er skoðaður nánar, þá er hægt að sjá að flestir gestir sem koma með skemmtiferðaskipum eru frá Þýskalandi eða 32%. Þar á eftir koma Bandaríkin með 24% og Bretland með 17%. Frá byrjun þessarar aldar, þá hefur farþegafjöldi frá þessum þremur löndum ætíð verið mestur.

Nú þegar er ljóst að árið 2018 mun verða metár bæði hvað varðar skipakomur og farþegafjölda.  Bókaðar hafa verið núþegar 143 skipakomur og með þeim er áætlað að komi 146.000 farþegar.