sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Metár í ýsuveiðum og síldarafli með mesta móti

12. september 2008 kl. 10:40

Síldarafli nýliðins fiskveiðiárs var rúmlega 367 þúsund tonn sem setur það í hóp mestu síldarára. Einnig var metár í ýsuveiðum en alls veiddu íslensk skip 111 þúsund tonn af ýsu á fiskveiðiárinu.

Á Íslandsmiðum hefur aðeins einu sinni áður veiðst meira af ýsu en það var árið 1962. Þá varð heildarýsuaflinn 118 þúsund tonn og erlend skip veiddu meira en helming aflans eða 64 þúsund tonn.

Ýsuafli íslenskra skipa 1962 var 54 þúsund tonn. Þetta kemur fram í frétt á vef Fiskistofu.

Afli fiskveiðiársins 2007/2008 sem lauk 31. ágúst síðastliðinn varð liðlega 1.253 þúsund tonn samkvæmt bráðabirgðatölum Fiskistofu. Það er tæplega 167 þúsund tonnum minni afli en fiskveiðiárið á undan en þá nam heildaraflinn 1.420 þús. tonnum.

Munar þar mest 53 þúsund tonna samdrátt í botnfiskafla, 77 þúsund tonnum minni kolmunnaafla og 159 þúsund tonna samdrátt í loðnuafla. Á móti kemur 71 þúsund tonna aukning makrílafla og meiri síldarafli.

Heildarafli ársins 2008 var í lok ágúst 918.138 tonn. Á sama tíma í fyrra var aflinn 1.065.077 tonn.   107 þús. tonn af makríl í sumar

Heildaraflinn í nýliðnum ágústmánuði var 142 þúsund tonn. Það er rúmlega 52 þúsund tonna aukning í afla milli ára. Í nýliðnum ágúst veiddust liðlega 40 þúsund tonn af markíl en aflinn var rúmlega 14 þúsund tonn í ágúst í fyrra.

Sumarið gaf 107 þúsund tonn af makríl á tímabilinu júní - ágúst sem er meira en 70 þúsund tonna aukning frá fyrra ári.

Í ágústmánuði nú var landað 62 þúsund tonn af norsk-íslenskri síld sem er tvöfalt meiri síldarafli en á sama tíma í fyrra.