sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Norðmenn mokveiða þorsk við Jan Mayen

13. nóvember 2018 kl. 10:05

Frá netaveiðum á þorski. (Mynd: Einar Ásgeirsson)

Ekki ljóst um hvaða þorskstofn er að ræða enda hafa þorskveiðar aldrei verið stundaðar við Jan Mayen að nokkru marki.

Norðmenn hafa mokveitt þorsk og grálúðu við Jan Mayen síðan í sumar. Send hafa verið sýni af aflanum til norsku Hafrannsóknastofnunarinnar til að fá úr því skorið úr hvaða þorskstofni veiðin sé. Línu- og netabáturinn Loran frá Godøya í Noregi landaði nýlega 300 tonnum af þorski og 70 tonnum af grálúðu í Álasundi eftir sinn þriðja túr.

Samtök útgerðarmanna í Noregi, Fiskebåt, hafa sent frá sér fréttatilkynningu þessa efnis. Samtökin segja að þetta sé í fyrsta sinn á seinni tímum sem svo mikið veiðist af þorski og grálúðu á þessu hafsvæði. Nú liggi fyrir að vísindamenn norsku hafrannsóknastofnunarinnar skeri úr um hvort þorskurinn sem um ræðir sé úr íslensk-grænlenska þorskstofninum eða Barentshafsþorskstofninum.

Samtökin segja að ef um það sé að ræða að íslensk-grænlenski þorskstofninn haldi sig á þessum slóðum eigi Norðmenn rétt til veiða úr stofninum.

Þorskurinn hefur veiðst á 30-600 metra dýpi en grálúðan að mestu á 600-900 metra dýpi. Útgerð Loran fékk úthlutaðan rannsóknakvóta á þorski til að fara í þriðja túrinn og kortleggja betur veiðarnar við Jan Mayen.

Jan Ivar Maråk, aðstoðarframkvæmdastjóri Fiskebåt, kveðst í samtali við Fiskeribladet vonast til þess að þetta verði til þess að unnt verði að skipuleggja veiðar á þorski og grálúðu við Jan Mayen til framtíðar.  

„Fiskebåt hefur auk þess haft frumkvæði að því að gerðar verði rannsóknir á vistkerfinu við Jan Mayen undir handleiðslu norsku hafrannsóknastofnunarinnar með það að markmiði að betri þekking verði til um fiskistofnana á svæðinu. Við vonumst til þess að finna líka veiðanlega loðnu á svæðinu sem myndi gagnast norskum hagsmunum í samningum um skiptingu á loðnustofninum við Ísland, Grænland og Jan Mayen,“ segir Maråk.