sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Noregur: Hrun í saltfiskútflutningi

9. júní 2009 kl. 12:05

Fyrstu fimm mánuði ársins dróst útflutningur Norðmanna á saltfiski saman um næstum 60% og verðið fyrir vöruna lækkaði um 24%. Þessi þróun er ekki hvað síst ástæðan fyrir þeirri kreppu sem nú ríkir í þorskveiðum og þorskvinnslu í Noregi.

Útflutningur saltfisks er jafnan mestur fyrri hluta ársins, en hann dróst saman frá fyrra ári um 11.000 tonn, fór úr 19.000 tonnum í 8.000 tonn, að því er fram  kemur í tölum norska fiskútflutningsráðsins. Meðalverðið lækkaði úr 46 norskum krónum í 35 krónur kílóið milli ára.

Skreið er nú stærsta útflutningsvara þorsks frá Noregi. Af henni voru flutt út næstum 11.000 tonn sem er 14% aukning í magni. Skreiðarverðið hefur hins vegar lækkað úr 61 norskri krónu kílóið í 51 krónu að meðaltali.

Þá kemur fram í áðurnefndum tölum að  61% aukning hafi orðið í útflutningi ferskra flaka og 20% aukning í ferskum heilum þorski. Útflutningur á blokkfrystum þorski hefur minnkað um nær helming milli ára og frystur fiskur hefur lækkað mest í verði eða um næstum 40%.