sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Noregur: Met slegið í útflutningi á loðnu og síld

7. júlí 2009 kl. 14:59

Útflutningur á afurðum úr uppsjávarfiski frá Noregi nam 3,4 milljörðum norskra króna (68 milljörðum ísl. kr.) fyrstu sex mánuði ársins 2009. Þetta er 56% aukning frá sama tíma árið 2008.

Uppsjávarfiskur hefur aldrei haft jafnmikla þýðingu í hálfsársuppgjöri í útflutningstölum fyrir norskar sjávarafurðir. Í ár nam hálfsársútflutningurinn hálfum milljarði meir en á metárinu 2001. Rússland og Úkraína eru stærstu kaupendur á afurðum unnum úr norskum uppsjávarfiski. Til Rússlands jókst útflutningurinn um 74% en um 48% til Úkraínu.

Flutt var út síld fyrir 2,1 milljarð norskra króna á fyrri helmingi ársins 2009 sem er 28% aukning frá fyrri árshelmingi 2008. Á sama tíma var flutt út loðna fyrir 545 miljónir króna og er aukning um 329%, sem helgast af því að til skamms tíma var loðnuveiðibann í Barentshafi. Meira af loðnunni var unnið til manneldis en áður. Á fyrstu sex mánuðum ársins fluttu Norðmenn út 125 þúsund tonn af frystri loðnu; 51 þúsund tonn fór til Rússlands, 32 þúsund tonn til Úkraínu, 16 þúsund tonn til Japans og 10 þúsund tonn til Kína.

Heimild: IntraFish