sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Noregur: Útrýmingarherferð gegn kóngakrabba

2. október 2009 kl. 15:00

Norska sjávarútvegsráðuneytið tilkynnti í dag að ákveðið hefði verið að verja um 5 milljónum norskra króna, um 110 milljónum ísl. kr., til að útrýma kóngakrabba á tilteknu svæði.

Fyrst varð vart við kóngakrabba svo nokkru nemi úti fyrir Norður-Noregi seint á tuttugustu öldinni og hefur hann síðan fært sig vestur og suður með ströndinni. Er hann mikill þyrnir í augum fiskimanna þótt hér sé um nýja nytjategund að ræða.

Í átakinu gegn kóngakrabba, sem nú er að hefjast, verða leigð skip til að stunda markvissar veiðar fyrir vestan 26° austur. Vonast er til að unnt verði að takmarka frekari útbreiðslu krabbans vestur um og er þessi aðgerð í fullu samræmi við ákvarðanir þingsins um stjórn veiða á kóngakrabba, að sögn Helgu Pedersen sjávarútvegsráðherra.

Ráðgert er að skipin veiði fyrst og fremst krabba sem lítið verðmæti er í og að því stefnt að veiðarnar verði ekki í samkeppni við skip sem nytja kóngakrabba en veiðar á honum eru frjálsar.

Heimild: IntraFish