sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Norðmenn reisa fiskvinnslu fyrir Rússa á Svalbarða

16. september 2009 kl. 15:00

Rússneska fiskveiðiráðið hefur í hyggju að byggja upp fiskvinnslu í Barentsburg á Svalbarða og gengið hefur verið frá samningi við norska verktaka um smíði fiskvinnsluhúss.

Barentsburg er annar stærsti bær á Svalbarða. Íbúar eru um 400, nær eingöngu Rússar og Úkraínumenn. Bærinn hafði mikla þýðingu fyrir Rússa í kalda stríðinu.

Fiskiðjuverið verður byggt fyrir rússneska ríkisfyrirtækið Artikugol sem stundað hefur kolagröft þarna frá árinu 1932.

Markmiðið með nýju fiskvinnslunni er að auðvelda rússneskum fiskiskipum að losa sig við afla sem veiðist á þessu svæði. Einnig á fiskvinnslan að stuðla að atvinnuuppbyggingu í Barentsburg.

Norskir sérfræðingar hafa verið fengnir til verksins og verður fiskvinnslan byggð samkvæmt norskum stöðlum og gæðakröfum. Kostnaðaráætlun fyrir verkið hljóðar upp á 617.400 evrur, eða um 110 milljónir króna íslenskar.

Heimild: Fiskeribladet/Fiskaren o.fl.