sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Norsk-íslenska síldin mætt fyrir austan

15. maí 2008 kl. 11:51

Norsk-íslenska síldin er komin í íslenska lögsögu og það í töluverðu magni.

Þetta hefur komið fram í leiðangri r/s Árna Friðrikssonar sem verið hefur við síldar- og kolmunnamælingar í hafinu austur af landinu ásamt rannsóknaskipum frá Noregi, Færeyjum og Evrópusambandinu.

,,Það er töluvert er af síld fyrir austan land, að minnsta kosti eins mikið og á síðasta ári. Síldin fer suður fyrir köldu tunguna austur af Íslandi og kemur vestur fyrir hana að einhverju leyti en er líka djúpt úti. Við erum búnir að fara yfir svæðið úti af sunnanverðum Austfjörðum og allt norður að Langanesi. Síldin er á djúpinu en einnig hafa sést yfirborðstorfur nær landi. Hún er greinilega búin að stimpla sig inn hér í lögsögunni,” sagði Þorsteinn Sigurðsson sviðsstjóri nytjastofnasviðs Hafrannsóknastofnunar í samtali við Fiskifréttir í dag.

Rannsóknum er ekki lokið og því liggja tölur um mælinguna ekki fyrir ennþá.