sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Örfirisey RE til veiða með tvö troll

30. apríl 2008 kl. 16:50

Breytingum og endurbótum á frystitogaranum Örfirisey RE er nú að ljúka en skipið, sem verið hefur í dráttarbraut Stálsmiðjunnar í Reykjavík sl. hálfan annan mánuð, er nú komið á flot að nýju.

Meðal breytinganna má nefna að sett var þriðja togvindan í skipið og fer það á næstunni til veiða með tveimur trollum samtímis, að því er segir á heimasíðu HB Granda.

Að sögn Rúnars Þórs Stefánssonar, útgerðarstjóra HB Granda, hefur verkáætlun staðist ágætlega. Nýja vindan er af gerðinni Ibercisa og er hún rafdrifin.

Um niðursetningu hennar sáu starfsmenn Framtaks. Nauðsynlegt var sömuleiðis að breyta öllum blakkaupphengjum vegna breytinganna á vindukerfinu.

Þá var sett nýtt stýri á skipið, nýr hausari settur í vinnslurýmið og nýju frystitæki bætt við auk þess sem brú skipsins og eldhús voru endurnýjuð.

Gert er ráð fyrir því að Örfirisey RE fari fljótlega til veiða, fyrst til bolfiskveiða á heimamiðum en síðan til veiða á úthafskarfaslóðinni á Reykjaneshryggnum.