sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Þorskstofninn við Kanada loksins að braggast

12. mars 2009 kl. 12:49

eftir næstum tveggja áratuga veiðibann

Kanadíski þorskstofninn (norðurþorskurinn) sem hrundi fyrir næstum tveimur áratugum er loksins byrjaður að sýna greinileg batamerki. Gert er ráð fyrir að hrygningarstofninn sé nú í kringum 150.000 tonn, sem að vísu er ekki mikið miðað við fyrri stærð, en samt verulegur bati þegar þess er gætt að fyrir aðeins nokkrum árum var hann metinn 20.000 tonn.

Þetta hefur norska sjávarútvegsblaðið Fiskeribladet/Fiskaren eftir George Rose prófessor við Memorial háskólann í St. John’s á Nýfundnalandi, sem er einn helsti þorsksérfræðingur í Kanada.

Rose segir að þótt útlitið sé jákvætt mæli hann með því að þorskveiðibann verði áfram í gildi meðan stofninn sé að ná sér meira á strik.

Nánar er fjallað um málið í Fiskifréttum sem fylgja Viðskiptablaðinu í dag.