fimmtudagur, 14. desember 2017
 
TölublöðVenjuleg útgáfa

Polar Amaroq kominn til landsins

25. mars 2013 kl. 14:13

Polar Amaroq og Erika sigla inn Norðfjörð í gær (Mynd: Þórhildur Eir Sigurgeirsdóttir).

Erika fylgdi nýja skipinu inn Norðfjörð

Í blíðviðrinu í gær, um kl. 16, sigldi hið nýja skip East Greenland Codfish AS inn Norðfjörð og lagðist síðan að bryggju. Eins og fram hefur komið hefur skipið fengið nafnið Polar Amaroq (Heimskauta-Úlfur). Eldra skip hins grænlenska félags, Erika, hafði siglt til móts við nýja skipið og fylgdi því síðan inn Norðfjörðinn.

Geir Zoëga skipstjóri á Polar Amaroq segir að siglingin frá Noregi til Norðfjarðar hafi gengið vel og honum og áhöfninni lítist svo sannarlega vel á skipið. „Við hlökkum til að takast á við krefjandi verkefni á þessu nýja og glæsilega skipi. Um leið kveðjum við Eriku með hlýjum hug en hún mun nú halda á vit nýrra ævintýra við strendur Afríku“.

Í frétt á vef Síldarvinnslunnar segir að Geir hafi verið fastráðinn skipstjóri á Eriku síðustu fjögur árin. Hann segir að kaupin á nýja skipinu séu einhver besta afmælisgjöf sem hann hafi fengið um ævina, en Geir verður þrítugur á næstunni.