mánudagur, 21. ágúst 2017
 
TölublöðVenjuleg útgáfa

Rækjuveiðar í Djúpinu hafnar

16. febrúar 2017 kl. 09:00

Örn Torfason skipstjóri um borð í Halldóri Sigurðssyni ÍS á rækjuveiðum í Ísafjarðardjúpi.

Heimilt að veiða 484 tonn á vertíðinni

Rækjuveiðar í Ísafjarðardjúpi eru hafnar. Halldór Sigurðsson ÍS fór í sinn fyrsta róður á mánudaginn en áður hafði hann farið tvær rannsóknaferðir, að því er fram kemur í nýjustu Fiskifréttum.

Samkvæmt ráðgjöf Hafrannsóknastofnunar frá í haust verður heimilt að veiða 484 tonn af rækju í Djúpinu á vertíðinni.   

„Ástandið á rækjunni er gott að mínum dómi. Mér fannst vera töluvert mikið af rækju í inndjúpinu. Veiðarnar byrja seint en okkur hlakkar til að taka eina snarpa vertíð þótt kvótinn sé ekki mikill,“ sagði Örn Torfason, skipstjóri á Halldóri Sigurðssyni ÍS, í samtali við Fiskifréttir.

Aflinn hjá Halldóri Sigurðssyni ÍS var 1,3 tonn á mánudaginn og á þriðjudaginn fengu þeir 6,5 tonn.

Sjá nánar í nýjustu Fiskifréttum.