sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Rússar fá meiri kvóta frá Færeyjum og Grænlandi

5. desember 2008 kl. 16:24

Rússar hafa lokið samningum við Færeyinga og Grænlendinga um gagnkvæmar veiðiheimildir á næsta ári og eykst kvóti rússneskra skipa frá fyrra ári.

Af 142.000 tonna kolmunnakvóta Færeyinga hafa Rússar samið um að fá að veiða 100.000 tonn.

Makrílkvóti Rússa við Færeyjar eykst um 4.100 tonn og verður 12.800 tonn.

Við Austur-Grænland fá Rússar að veiða 1.000 tonn af grálúðu sem er 400 tonna aukning frá fyrra ári, og 2.300 tonna karfakvóta sem er lítilsháttar viðbót milli ára.

Fiskeribladet/Fiskaren skýrir frá þessu og hefur eftir rússnesku Interfax fréttastofunni.

Færeyingar og Grænlendingar fá í staðinn botnfiskveiðiheimildir í rússneskri lögsögu í Barentshafi en ekki er getið um þær í fréttinni.

Sem kunnugt er eykst heildarþorskkvótinn í Barentshafi á næsta ári og njóta erlendar þjóðir sem hafa fiskveiðisamninga við Noreg og Rússland góðs af því, þeirra á meðal Íslendingar