sunnudagur, 9. desember 2018
 
TölublöðVenjuleg útgáfa

Samkomulag um loðnukvóta

2. júlí 2018 kl. 16:05

Ísland, Grænland og Noregur hafa gert með ser nyjan samning um hlutdeild í loðnukvóta milli landanna. Ísland fær 80 prósent kvótans.

Utanríkisráðuneytið hefur greint frá því að samkomulag hafi tekist milli Íslands, Grænlands og Noregs um nýjan samning um hlutdeild í loðnukvóta á milli landanna.

Samningaviðræður hafa staðið yfir frá 2016. Nýr samningur var áritaður í síðustu viku en eldri loðnusamningur var frá árinu 2003.

Meginefni nýja samningsins er að hlutir þjóðanna verði með þeim hætti að Ísland fær 80% loðnukvótans, Grænland 15% og Noregur 5%.

Engar breytingar eru á heimildum Grænlands og Noregs til veiða í íslenskir lögsögu utan að nú geta þrjú vinnsluskip í stað tveggja veitt heimild Grænlands. Heimildin sjálf er óbreytt að magni til.

Samningurinn er ótímabundinn, en hægt að segja honum upp með eins vertíðar fyrirvara.

Í tilkynningu utanrríkisráðuneytisins segir að góð samstaða hafi verið milli strandríkjanna um að fara að ráðgjöf og stunda ábyrgar veiðar. Núgildandi aflaregla hefur hlotið staðfestingu Alþjóðahafrannsóknaráðsins (ICES) um að hún standist sjálfbærnimarkmið og varúðarsjónarmið.

Nær engin loðna er lengur veidd í lögsögum annarra ríkja en Íslands og sumarveiðar hafa ekki verið stundaðar um árabil.