sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

SFÚ: Óánægja með reglur um vigtun afla

10. desember 2009 kl. 09:51

Jón Steinn Elíasson, forstjóri Toppfisks og formaður Samtaka fiskframleiðenda og –útflytjenda (SFÚ), segir félagsmenn afar óánægða með þau áform sjávarútvegsráðherra að falla frá ákvörðun um að allur afli skuli vigtaður hér á landi.

 Hann segir 5% álag, þegar óunninn fiskur er fluttur út, ekki hafa nein áhrif til að auka aðgengi að fiski á mörkuðum hér innanlands og auka þannig verðmæti hans.

Jón Bjarnason, sjávarútvegsráðherra, hafði boðað reglur um að allur fiskur skyldi vigtaður hér, áður en hann yrði fluttur út óunninn, en í vikunni tilkynnti hann þá breytingu, að heimilt verði að vigta fiskinn erlendis, gegn því að 5% bætist þá við það sem dregið verði frá kvóta. Þetta líst SFÚ ekki á, samtökin höfðu áður lýst ánægju með að aflinn skyldi allur vigtaður hér, enda tryggði það aðgengi að hráefni á íslenskum fiskmörkuðum hér betur en verið hefur. Jón Steinn undrast að látið sé undan þeim sem kvarta yfir að erfitt sé að koma vigtun við.

Frá þessu er skýrt á vef ríkisútvarpsins, ruv.is