sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Síld úr Norðursjó selst á 70-85 krónur íslenskar á kíló

25. maí 2009 kl. 15:00

Fyrsta síldin úr Norðursjó seldist á fiskmörkuðum í Noregi á 3,75-4,45 norskar krónur á kílóið (70-85 krónur íslenskar). Á sama tíma og fréttir berast um fyrstu veiðar á norsk-íslensku síldinni í íslenskri lögsögu eru veiðar nú hafnar á síld í Norðursjónum.

Á þessu fyrsta uppboði í Noregi fengu sjómenn og útgerðarmenn heldur lægra verð fyrir Norðursjávarsíldina en þeir höfðu búist við fyrirfram. Þetta verð þætti þó vísast gott á Íslandi. Um 700 tonn voru boðin á markaðnum en aðeins 250 tonn seldust. Restin var boðin á næsta uppboði samdægurs.

Afli á bát er ekki mikill eða í kringum 100 tonn. Fiskmarkaðurinn með síld þykir fara heldur hægt af stað miðað við fyrri ár. Ástæðan er sögð vera sú að margir bátar eru að bjóða of lítinn afla. Þá er talið að allir síldarverkendur séu ekki komnir í gang ennþá.

Ládeyða á markaðnum kann að leiða til þess að einhver skip láti ekki úr höfn og bíði þar til meira líf færist í síldarmarkaðinn.

Heimild: Fiskeribladet/Fiskaren