sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Síldarsmugan: Sáratregt á karfanum

25. september 2008 kl. 10:41

Afli skipanna, sem hófu karfaveiðar á alþjóðlegu hafsvæði í Síldarsmugunni 1. september síðastliðinn, hefur verið sáratregur ef frá eru taldir fyrstu fimm dagarnir þegar nokkuð vel veiddist.

Afli á togtíma hefur lengst af verið um eða innan við hálft tonn, samkvæmt heimildum Fiskifrétta.

Nú í upphafi vikunnar hafði aðeins verið tilkynnt um 7.500 tonna afla en á sama tíma í fyrra var veiðum á 15.500 tonna kvóta lokið. Kvótinn í ár er 14.500 tonn.

Hátt í 30 skip hófu veiðarnar að þessu sinni, en nú í vikunni voru aðeins 18 skip eftir og búist var við að þeim myndi fara áfram fækkandi.

Íslenskar útgerðir kusu að nýta sér ekki þennan veiðimöguleika í ár vegna hás olíuverðs, lækkandi karfaverðs og óvissu um árangur veiðanna.

Svo virðist sem sú ákvörðun hafi verið rétt. Í fyrra veiddu ellefu íslensk skip samtals 1.750 tonn af karfa á þessum slóðum og í hittifyrra var afli Íslendinga 2.360 tonn.