sunnudagur, 16. desember 2018
 
TölublöðVenjuleg útgáfa

Sjávarútvegsráðherra: Kvóti ekki aukinn nema í samráði við Hafró

23. október 2009 kl. 09:46

Í gær fundaði stjórn Landssambands smábátaeigenda með Jóni Bjarnasyni sjávarútvegs- og landbúnaðarráðherra.  Fundarefnið var að upplýsa og ræða þá alvarlegu stöðu sem upp væri komin varðandi veiðar krókaaflamarksbáta, sem væru hver af öðrum að stöðvast, að sögn LS.

Í frétt á vef LS segir að komið sé á daginn að þriðjungs niðurskurður veiðiheimilda á ýsu og þurrð á leigumarkaðinum sé mörgum ofviða.   Það blasi því fátt annað við en að stöðva veiðar og segja upp fólki.

Um viðbrögð sjávarútvegsráðherra segir: ,,Jón Bjarnason sjávarútvegs- og landbúnaðarráðherra sagði stöðuna þrönga en í ljósi alvarleika málsins yrði að skoða allar leiðir.  Kæmi til auka úthlutunar yrði það ekki gert öðruvísi en í samráði við Hafrannsóknastofnunina.”

Sjá nánar á vef LS, HÉR