sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Sjávarútvegur í ESB: Eftirlitskerfið kostar 73 milljarða

21. september 2009 kl. 15:00

Aðildarríki ESB verja árlega um 400 milljónum evra, um 73 milljörðum íslenskra króna, í eftirlit með sjávarútvegi að því er fram kemur á vef IntraFish.

Hér er um áætlaðan kostnað að ræða en erfitt er að fá nákvæmar tölur vegna þess að skipulag með veiðieftirliti er svo mismunandi eftir því hvaða aðildarríki á í hlut. Í Danmörku liggur þetta til dæmis ljóst fyrir þar sem sérstök stofnun annast eftirlitið en í Svíþjóð og fleiri ríkjum er eftirlitið hluti af starfsemi landhelgisgæslunnar að því er haft er eftir Harm Koster yfirmanni eftirlitsskrifstofu ESB með fiskveiðum, The Community Fisheries Control Agency (CFCA). CFCA er með aðsetur í Vigo á Spáni og er ætlað að samræma aðgerðir ESB-ríkja við eftirlit með fiskveiðum.

Harm Koster segir að sum aðildarríki verji meira að segja næstum því jafnmiklum peningum í fiskveiðieftirlit eins og verðmæti þess afla sem landað er. Írland er eitt þeirra ríkja svo dæmi sé nefnt.

Í fyrra voru samræmdar eftirlitsaðgerðir CFCA með fiskiskipum og löndun afla um 3.636 að tölu.