sunnudagur, 23. september 2018
 
TölublöðVenjuleg útgáfa

Skora á grásleppuveiðimenn að sniðganga lágt verð

11. mars 2008 kl. 10:54

Stjórn Landssambands smábátaeigenda hefur skorað á grásleppukarla að sniðganga það verð sem nú er í boði fyrir grásleppuhrogn í upphafi vertíðar, að því er fram kemur á heimasíðu LS.

Á stjórnarfundi LS 7. mars sl. var rætt um nýhafna grásleppuvertíð og mál henni tengd. Nokkrum vikum fyrir vertíðina, sem hófst 1. mars á suðursvæði, ríkti bjartsýni meðal veiðimanna um að verð á grásleppuhrognum myndi nú hækka myndarlega, ekki síst í ljósi þess að litlar birgðir eru til af hrognum.

Þetta hefur ekki gengið samkvæmt vonum, segir á heimasíðunni. Stjórnarmenn LS hvetja grásleppuveiðimenn til að sniðganga það lága verð sem boðið hefur verið nú í byrjun vertíðar sem er 280 kr./kg fyrir hrogn upp úr sjó. Þá skorar stjórn LS á sjávarútvegsráðherra að undanskilja grásleppuveiðimenn frá skylduákvæðum um vigtun á hafnarvog.