sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Skoskt dagblað: Næsta þorskastríð Íslands háð í Brüssel

19. ágúst 2009 kl. 15:08

Í grein í skoska dagblaðinu The Inverness Courier segir að Ísland eigi framundan nýtt þorskastríð, sem að þessu sinni verði háð í fundarsölum í Brüssel en ekki á hafi úti. Skoskir sjómenn og útgerðarmenn, sem lengi hafa haft horn í síðu fiskveiðistefnu Evrópusambandsins, ætla að fylgjast grannt með því hvernig Íslendingum reiðir af í aðildarviðræðum við ESB um sjávarútvegsmál.

Struan Stevenson, þingmaður skoska íhaldsflokksins, segir í blaðinu að gefi ESB Íslandi eitthvað eftir frá sameiginlegu fiskveiðistefnunni muni Skotar krefjast sambærilegra tilslakana fyrir sinn sjávarútveg. Hann segir Ísland í þessu tilliti í hlutverki eins konar undanfara.

Skosk yfirvöld hafa ítrekað viðrað þá skoðun sína við yfirvöld ESB í Brüssel að eðlilegra sé að stjórn veiðanna sé í þeirra eigin höndum. Í fyrrnefndri grein kemur fram að Skotar vonast til að hugsanlega innganga Íslands í ESB muni verða til þess að hraða endurbótum á fiskveiðistefnunni.

Frá þessu er skýrt á vef LÍÚ