sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Sprenging í verði á fiskimjöli

7. desember 2009 kl. 15:00

Í síðustu viku varð sprenging í verði á fiskimjöli. Fór verðið þá upp í 1.627 dollara á tonnið á uppboðsmarkaði í Hollandi. Hér var að vísu um lítið magn að ræða en verðþróunin hefur þó öll verið upp á við síðustu vikur og mánuði, að því er fram kemur á IntraFish.

Frá því í sumar hefur fiskimjölið hækkað úr um það bil 1.000 dollurum á tonnið. Lýsið hefur hækkað úr 700 dollurum á tonnið í um 900 dollara á sama tíma. Til samanburðar má nefna að verð á sojamjöli er í kringum 430 dollarar á tonnið sem er einnig hátt verð í sögulegu samhengi. Verð á fiskimjöli er nú 3,5-4 sinnum hærra en verð á sojamjöli og mun hærra en verð á repjumjöli.

Þessar miklu verðhækkanir kunna að leiða til þess að fóðurframleiðendur auki hlut mjöls sem unnið er úr plöntum í fóðri. Mjöl og lýsi eru nú í kringum 25-30% af hráefni sem notað er til fóðurframleiðslu en það er þó mismunandi eftir einstökum fóðurgerðum.

Eftirspurn eftir mjöli frá Kína hefur þrýst verðinu upp. Aðeins eru um 50 þúsund tonn af fiskimjöli í birgðum í Kína og eru þær litlar í sögulegu samhengi. Birgðir í heiminum eru einnig litlar.

Ársframleiðslan á fiskimjöli er nú í kringum fimm milljónir tonna og er það nokkuð undir ársmeðaltali síðustu 10 ára. Á sama tíma eykst eftirspurnin frá Kína ár frá ári. Sem dæmi má nefna að rækjueldi í Kína jókst um 17% á milli ára og einnig er mikill vöxtur í framleiðslu svínakjöts. Báðar þessar greinar þarfnast mikils fóðurs sem unnið er að stórum hluta úr fiskimjöli.