fimmtudagur, 25. maí 2017
 
TölublöðVenjuleg útgáfa

Storeknut landar kolmunna í Neskaupstað

14. febrúar 2017 kl. 17:31

Storeknut siglir inn Norðfjörð í dag. (Mynd: Smári Geirsson)

Aflinn fékkst vestur af Írlandi.

Í dag kom norska skipið Storeknut með 1850 tonn af kolmunna til Neskaupstaðar. Aflinn fékkst í lögsögu Evrópusambandsins vestur af Írlandi.

Tor Magne Drønen, skipstjóri, sagði að vel hefði gengið að veiða og hafi aflinn verið tekinn í fjórum holum. „Þarna var mikið að sjá, en það voru ekki margir bátar á miðunum. Við vorum til dæmis eini norski báturinn,“ sagði Tor Magne.

Rúmlega þriggja sólarhringa sigling var af miðunum til Neskaupstaðar og eftir löndun verður strax haldið til kolmunnaveiða á ný. Kolmunnakvóti Storeknut mun nást í fjórum veiðiferðum, þannig að skipið á þrjá túra eftir.

Þetta kemur fram á vef Síldarvinnslunnar.