sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Stóri bróðir fylgist með þér

28. nóvember 2009 kl. 14:33

Skotar hófu í ágúst síðastliðnum tilraun með eftirlitsmyndavélakerfi um borð í sjö fiskskipum til þess að kanna hvort raunhæft væri að nota slíkan búnað til þess að hamla gegn brottkasti á fiski. Áður höfðu Danir gert sams konar tilraun um borð í nokkrum dönskum skipum. Þessar tilraunir hafa þótt takast vel.

Á ráðstefnu í Álaborg fyrir skömmu hvöttu sjávarútvegsráðherrar Danmerkur og Skotlands til þess að strax á næsta ári yrði hrint af stað verkefni þar sem sjómönnum sem vildu hafa eftirlitsmyndavélar um borð yrði boðinn aukinn kvóti enda skilaði hver fiskur sér í land sem úr sjó væri dreginn. Jafnframt verður þessi hugmynd lögð fram sem tillaga við endurskoðun sjávarútvegsstefnu ESB. Frá þessu er skýrt í Fiskifréttum.