laugardagur, 17. nóvember 2018
 
TölublöðVenjuleg útgáfa

Strandveiðar á svæði A stöðvaðar

9. ágúst 2011 kl. 14:38

Smábátar í höfn á Arnarstapa. (Mynd: Alfons Finnsson.

Veiðar á öðrum svæðum skemmra á veg komnar.

Sjávarútvegsráðherra gaf í dag út reglugerð um stöðvun strandveiða á svæði A sem nær frá Hnappadal til Súðavíkur. Síðasti veiðidagur á svæði A er í dag 9. ágúst.

Afli strandveiðibáta á svæði A hefur verið mjög góður undanfarna daga og í gær höfðu bátar á svæðinu landað 70% þess afla sem heimilt er að veiða í ágúst samkvæmt framkomnum skráningum Fiskistofu. Þá er ótalin löndun hjá fyrirtækjum með svokölluð endurvigtarleyfi þannig að ekki er óvarlegt að ætla að um 80% af afla ágústmánaðar hafi verið kominn á land í gær.

Á öðrum svæðum var veiðin skemmra á veg komin og ekki er ósennilegt að veiðileyfi verði í gildi út ágústmánuð á sunnan- og austanverðu landinu, segir í frétt frá sjávarútvegsráðuneytinu.