sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Tekjur taldar aukast um 25 milljarða

27. mars 2008 kl. 07:22

Ætla má að veiking íslensku krónunnar undanfarna daga muni auka tekjur sjávarútvegsins um 25 milljarða króna á ári, að því er Arnar Sigurmundsson, formaður Samtaka fiskvinnslustöðva, sagði í samtali við Fiskifréttir sem fylgja Viðskiptablaðinu í dag. Hann sagði að veiking krónunnar væri hagstæð fyrir sjávarútveg þrátt fyrir að erlendar skuldir greinarinnar hækkuðu.

Arnar tók fram að ekki væri enn vitað hvort og að hve miklu leyti breytingar á gengi krónunnar myndu ganga til baka. Gengisvísitalan var í ársbyrjun á bilinu 120-125 stig. Fyrir nokkrum dögum nálgaðist hún 160 stig. Í byrjun vikunnar hafði vísitalan farið niður í um 150 stig en var komin upp í tæp 155 stig í gær þannig að ekki er séð fyrir endann á þessum hræringum.

Miðað við það að vísitalan verði um 150 stig, sem er auðvitað óvíst, þá hefur hún hækkað um rúm 20% frá ársbyrjun. Útfluttar sjávarafurðir námu 127 milljörðum á síðasta ári og veiking krónunnar getur því þýtt um 25 milljarða tekjuauka fyrir sjávarútveginn á ársgrundvelli.

Nánar er fjallað um málið í Fiskifréttum sem fylgja Viðskiptablaðinu í dag. Áskrifendur geta lesið blaðið á pdf-formi hér á vefnum. Þeir áskrifendur sem ekki hafa sótt um aðgangsorð til að lesa blaðið á vefnum geta gert það hér.