sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Trillukarlar á Hornafirði: Burt með línuívilnun og byggðakvóta

20. október 2008 kl. 13:11

Smábátaeigendur á Hornafirði hafa nokkra sérstöðu í hópi trillukarla á landinu því þeir vilja að línuívilnun verði aflögð og byggðakvóti sömuleiðis.

Að þessu leyti eru þeir skoðanabræður útgerðarmanna stærri báta og skipa.

Í ályktun frá aðalfundi Hrollaugs, félags smábátaeigenda á Hornafirði, er farið fram á að línuívilnun verði aflögð með öllu og þeim veiðiheimildum sem settar hafi verið í línuívilnun verði skilað. Jafnframt að byggðakvóti verði lagður af.

Bent er á að á undanförnum árum hafi menn fjárfest í veiðiheimildum.

Á sama tíma og verið sé að greiða af lánum sé öðrum útgerðum réttar veiðiheimildir án endurgjalds. Slík mismunun sé með öllu óviðunandi.

Frá þessu og fleiru er skýrt á vef LS, www.smabatar.is