þriðjudagur, 14. ágúst 2018
 
TölublöðVenjuleg útgáfa

Tugmilljónir máltíða frá Noregi

14. janúar 2018 kl. 08:00

Á síðasta ári seldu Norðmenn sjávarafurðir fyrir 94,5 milljarða norskra króna, en það jafngildir ríflega þúsund milljörðum íslenskra króna.

Alls seldu Norðmenn 2,6 milljónir tonna af sjávarafurðum árið 2017, en það magn dugar í 36 milljónir máltíða hvern einasta dag ársins.

Verðmæti aflans jókst um þrjú prósent milli ára en aflamagnið jókst um sjö prósent.

Þetta kemur fram í samantekt norska sjávarafurðaráðsins (Norges sjømatråd).

„2017 var enn eitt frábæra árið fyrir norskan útflutning á sjávarafurðum,“ er haft eftir Renate Larsen á vef ráðsins, en hún er framkvæmdastjóri þess. „Við sjáum að bæði verðmæti og magn hefur aukist á erlendum mörkuðum í Asíu og Bandaríkjunum. Samhliða því hefur útflutningur til Evrópusambandsins haldist óbreyttur frá 2016.“

gudsteinn@fiskifrettir.is