sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

?Þungu fargi af okkur létt?

28. febrúar 2008 kl. 06:41

Verðmæti loðnuafurða HB Granda námu 2,4 milljörðum króna í fyrra. Ef loðnuveiðar hefðu ekki verið leyfðar á ný hefðu tekjur félagsins skerst verulega í ár.

„Það er þungu fargi af okkur létt. Við erum nú fullir bjartsýni og ég er sannfærður um að loðnan á eftir að skila okkur miklum verðmætum það sem eftir lifir vertíðar,“ sagði Eggert Benedikt Guðmundsson, forstjóri HB Granda hf., í samtali við Viðskiptablaðið í gær, eftir að loðnuveiðar höfðu verið heimilaðar á ný. Eggert sagðist einnig vera þess fullviss að kvótinn yrði aukinn þegar mælingum á loðnunni lyki.

Loðnuveiðar voru stöðvaðar á fimmtudaginn í liðinni viku þar sem ekki hafði þá tekist að mæla veiðistofn loðnunnar. Hafrannsóknastofnun ráðlagði veiðar á ný í gær en jafnframt var lagt til að kvótinn yrði að sinni minnkaður í 100 þúsund tonn en hann var 122 þúsund tonn fyrir stöðvun veiðanna. Mikið er í húfi að meiri loðna mælist því meðalloðnuvertíð hefur skilað um 12 milljörðum króna í þjóðarbúið undanfarin ár.

Nánar er fjallað um málið í sérblaði um sjávarútvegsmál í Viðskiptablaðinu í dag. Áskrifendur geta lesið blaðið á pdf-formi hér á vefnum. Þeir áskrifendur sem ekki hafa sótt um aðgangsorð til að lesa blaðið á vefnum geta gert það hér.