föstudagur, 22. mars 2019
 

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi

Leggja til fullgildingu samnings um Norður-íshafið

Samningurinn var undirritaður hinn 3. október 2018 í Ilulissat á Grænlandi. Auk Íslands var samningurinn undirritaður af Bandaríkjunum, Danmörku f.h. Grænlands, Japan, Kanada, Kína, Noregi, Rússlandi og Suður-Kóreu auk ESB.

Grænlendingar virðast sáttir við hærri veiðigjöld

Tekjur Grænlands af veiðigjöldum hækka mikið með nýju kerfi. Grænlensk útgerðarfyrirtæki greiddu samtals jafnvirði 7,3 milljarða íslenskra króna í veiðigjöld á síðasta ári.


TölublöðVenjuleg útgáfa

Vel gengur á síld- og makrílveiðum

31. júlí 2008 kl. 15:21

Ágætur gangur hefur verið í síld- og makrílveiðum hjá skipum HB Granda að undanförnu. Á heimasíðu félagsins segir að Ingunn AK hafi komið til Vopnafjarðar með um 2000 tonna afla sl. sunnudag og von er á Lundey NS með fullfermi.

  Að sögn Ingimundar Ingimundarsonar, rekstrarstjóra uppsjávarskipa, hafa skipin verið að veiðum austur af Stokksnesi síðustu daga, um 100 mílur frá landi eða langleiðina út undir miðlínunni á milli Íslands og Færeyja. Þangað er um 12 tíma stím frá Vopnafirði.

,,Faxi RE og Lundey NS eru nú saman að veiðum og eru að taka síðasta holið,“ sagði Ingimundur en nú í morgun vantaði Lundey NS aðeins um 200 tonn til að fylla. Þegar þeim afla er náð fer skipið til Vopnafjarðar með aflann.

Jörgen Sverrisson, verkstjóri í fiskmjölsverksmiðju HB Granda á Vopnafirði og staðgengill verksmiðjustjórans, segir að nú sé alls búið að taka á móti rúmlega 13 þúsund tonnum af síld og makríl á vertíðinni. Rúmlega helmingur þess afla er makríll.

,,Þetta er allt mjög góður fiskur og það er góð nýting í bræðslunni,“ segir Jörgen Sverrisson.