miðvikudagur, 18. júlí 2018
 
TölublöðVenjuleg útgáfa

Verðmæti sjávarafla janúar-maí: Samdráttur um 3%

15. ágúst 2008 kl. 12:14

Aflaverðmæti íslenskra skipa nam 39,2 milljörðum króna á fyrstu fimm mánuðum ársins 2008 samanborið við 40,5 milljarða á sama tímabili árið 2007.

Aflaverðmæti hefur dregist saman um 1,3 milljarða eða 3,1% á milli ára. Aflaverðmæti maímánaðar nam 7,6 milljörðum miðað við 7,7 milljarða í maí 2007, að því er fram kemur í frétt frá Hagstofunni.

Aflaverðmæti botnfisks janúar til maí 2008 nam 30,5 milljörðum sem er svipaður afli og á  sama tímabili árið 2007. Verðmæti þorskafla var 16,2 milljarðar og dróst saman um 2,7% frá fyrra ári.

Aflaverðmæti ýsu nam 6,9 milljörðum, jókst um 15,8% og verðmæti ufsaaflans nam 2,2 milljörðum sem er 16,5% aukning miðað við fyrstu fimm mánuði ársins 2007.

Verðmæti flatfiskafla janúar til maí nam 2,3 milljörðum og jókst um 10,2% frá fyrra ári. Aflaverðmæti uppsjávarafla nam 6 milljörðum sem er 24,7% samdráttur miðað við sama tímabil árið 2007.   Verðmæti afla, sem seldur er í beinni sölu útgerða til vinnslu innanlands nam 16,1 milljarði króna sem er samdráttur um 2,9 milljarða eða 15,0% frá fyrra ári. Verðmæti afla sem keyptur er á markaði til vinnslu innanlands dróst saman um 6,8%, nam 6,5 milljörðum fyrstu fimm mánuði ársins.

Aflaverðmæti sjófrystingar nam 11,0 milljörðum, jókst um 9,3% og verðmæti afla sem fluttur er út óunninn nam 4,6 milljörðum sem er 25,7% aukning frá sama tímabili árið 2007.