mánudagur, 10. desember 2018
 
TölublöðVenjuleg útgáfa

Vinnslustöðin segir upp 41 starfsmanni

28. júní 2012 kl. 12:17

Gandí VE ( Mynd: útgerð skipsins).

Ástæðan er skerðing aflaheimilda í makríl og þorski og stórhækkað veiðileyfagjald.

Vinnslustöðin í Vestmannaeyjum hefur ákveðið að segja upp 41 starfsmanni í hagræðingarskyni og setja Gandí VE á söluskrá. Gripið er til þessara aðgerða í kjölfar stórhækkaðs veiðigjalds sem samþykkt var nýverið, en einnig vegna skerðinga aflaheimilda um 700 þorskígildistonn á næsta fiskveiðiári og skerðingar á makríl fyrir Gandí VE. Meðal þeirra sem sagt var upp var allri áhöfninni á Gandí VE, alls 30 manns og 11 manns í landvinnslu VSV í Vestmannaeyjum. 

Stjórn VSV fól einnig framkvæmdastjóra félagsins að vinna að endurskoðun á rekstri félagsins með frekari hagræðingaraðgerðir í huga í ljósi þeirrar stöðu sem upp er komin í íslenskum sjávarútvegi. 

Sjá nánar fréttatilkynningu frá VSV á vef LÍÚ.