þriðjudagur, 22. júní 2021
 
TölublöðVenjuleg útgáfa

11 þúsund gestir hjá HB Granda

8. júní 2015 kl. 09:18

Frá athafnasvæði HB Granda í gær. (Mynd: Kristján Maack).

Fjölmenn hátíðahöld í tilefni sjómannadagsins.

Hátíðahöld í tilefni sjómannadagsins fóru fram með hefðbundnum hætti víða um land um helgina og sums staðar var fjölmennið mikið. 

Talið er að alls hafi 10.000 til 11.000 manns lagt leið sína á athafnasvæði HB Granda á Norðurgarði í Reykjavík í gær. Þar stóð félagið fyrir veglegri fjölskylduhátíð í tilefni af Sjómannadeginum og Hátíðar hafsins sem haldin var á hafnarsvæðinu um helgina.

Auk fjölbreyttra skemmtiatriða var gestum og gangandi boðið upp á ýmislegt góðgæti. ,,Til marks um umfangið get ég nefnt að gestir okkar fengu tæplega 400 lítra af fiskisúpu og 8.000 skúffukökubita. Það fór sami fjöldi af kleinum og kanilsnúðum. Við grilluðum 3.500 pylsur og 100 kíló af þorskbitum hurfu eins og dögg fyrir sólu. Þá gáfum við 2.500 spilastokka og annað eins af blöðrum,“ segir Sæmundur Árni Hermannsson, verkefnastjóri hjá HB Granda á vef fyrirtækisins.