fimmtudagur, 24. júní 2021
 
TölublöðVenjuleg útgáfa

11,7 milljarða aflaverðmæti í nóvember

28. febrúar 2019 kl. 13:00

Þorskur í trollpoka. (Mynd: Þorgeir Baldursson)

Aflaverðmæti í nóvember 2018 varð nærri 20 prósent meira en sama mánuð árið 2017.

Aflaverðmæti úr sjó var 11,7 milljarðar í nóvember sem er 19,2% aukning samanborið við nóvember 2017. Verðmæti botnfiskaflans nam 9,3 milljörðum og jókst um 13%. Verðmæti uppsjávarafla var 1,7 milljarðar sem er 69,4% meira en í nóvember 2017.

Hagstofa Íslands greindi frá þessu í morgun.

Verðmæti afla sem seldur var til eigin vinnslu innanlands nam 6,1 milljarði, sem er um 52% af heildarverðmæti. Verðmæti sjófrysts afla nam 3,2 milljörðum og verðmæti afla sem fór á fiskmarkaði til vinnslu innanlands nam 1,7 milljarði, eða um 15% af heildarverðmæti.

Á 12 mánaða tímabili, frá desember 2017 til nóvember 2018, nam aflaverðmæti úr sjó tæpum 127 milljörðum króna sem er 16,1% aukning miðað við sama tímabil ári fyrr.