þriðjudagur, 22. júní 2021
 
TölublöðVenjuleg útgáfa

70 trilluútgerðir stefna á makríl næsta sumar

28. nóvember 2012 kl. 16:02

Makrílveiðar á Fjólu GK. (Mynd:VH)

Á síðustu vertíð veiddu 17 smábátar samtals 1.100 tonn af makríl

Alls hafa útgerðir 70 smábáta tilkynnt Landssambandi smábátaeigenda (LS) að þeir stefni að makrílveiðum næsta sumar. Það eru ríflega fjórum sinnum fleiri en veiðarnar stunduðu á síðustu vertíð, en þá veiddu 17 bátar makríl á handfæri og nam aflinn samtals 1.100 tonnum. 

LS hefur hvatt félagsmenn sína til að láta vita um áform sín og þetta eru viðbrögðin. 

Á aðalfundi LS á dögunum var ákveðið að setja fót nefnd til að fjalla um málefni makrílveiðimanna og eiga viðræður við atvinnuvega- og nýsköpunarráðuneytið um veiðarnar 2013. 

Aðalfundur LS ályktaði að makrílpottur fyrir smábáta þ.e. báta undir 15 BT yrði aukinn í 18% af heildarmakrílaflanum, þ.e. að lágmarki 20.000 tonn, svipað og þekktist t.d. í Noregi.