föstudagur, 17. september 2021
 
TölublöðVenjuleg útgáfa

Aflaverðmæti 11 milljarðar í nóvember

29. febrúar 2016 kl. 09:05

Skipverjar á Bjarti NK í aðgerð. (Mynd: Þorgeir Baldursson).

Samdráttur bæði í botnfiskafla og uppsjávarafla

Aflaverðmæti í nóvember 2015 voru tæplega 11 milljarðar króna, sem er um 14% minna en í nóvember 2014. Verðmæti botnfiskafla minnkaði um 15% og verðmæti uppsjávarafla um tæp 17%, samkvæmt bráðabirgðatölum Hagstofunnar. 

Á árstímabilinu desember 2014 til nóvember 2015 jókst heildaraflaverðmæti um 9%, úr tæpum 137 milljörðum króna í 149 milljarða. Munar þar mest um tæplega 6 milljarða króna verðmætaaukningu í þorski og tæplega 9 milljarða króna aukningu í loðnu.