þriðjudagur, 22. júní 2021
 
TölublöðVenjuleg útgáfa

Aflaverðmæti dróst saman um 15% í maí

9. september 2016 kl. 09:15

Kolmunnaveiðar á Beiti NK. (Mynd af heimasíðu SVN)

Þriðjungs samdráttur í verðmæti kolmunnaafla.

Aflaverðmæti íslenskra skipa nam 11,9 milljörðum króna í maí sem er ríflega 2 milljörðum minna en í maí 2015. Aflaverðmæti botnfisks nam rúmum 8,4 milljörðum í maí og dróst saman um 8,3% frá fyrra ári. Verðmæti uppsjávarafla, sem var nær eingöngu kolmunni, nam tæpum 1,7 milljörðum og dróst saman um 30% samanborið við maí 2015. Verðmæti flatfiskafla nam 1,25 milljörðum í maí sem er 27% minna en í maí 2015 og verðmæti skel- og krabbadýraafla nam rúmum 600 milljónum í maí samanborið við tæpar 700 milljónir ári fyrr.

Á 12 mánaða tímabili frá júní 2015 til maí 2016 var samanlagt aflaverðmæti um 142 milljarðar króna sem er 5,6% samdráttur miðað við sama tímabil ári fyrr. Á þessu tímabili hefur verðmæti botnfiskafla aukist um 3,2% og flatfiskafla um 35,5% en á móti hefur verðmæti uppsjávarafla dregist saman um 34,5%.

Sjá nánar á vef Hagstofunnar.