mánudagur, 1. júní 2020
 
TölublöðVenjuleg útgáfa

Áfram vakin athygli á hárri sjávarstöðu

13. janúar 2020 kl. 17:54

Lágur loftþrýstingur getur mögulega haft talsverð áhrif á sjávarstöðu.

Landhelgisgæslan varar við því að veðurspár gera ráð fyrir að á morgun og miðvikudag verði mjög djúp lægð skammt undan Austurlandi og getur lágur loftþrýstingur hennar mögulega haft talsverð áhrif á sjávarstöðu.

Þrátt fyrir að stærsti straumur hafi verið í gær er enn stórstreymt og hvetur Landhelgisgæslan því til að fylgst verði með sjávarstöðu á flóði næstu daga, sérstaklega á Austfjörðum og Norðausturlandi þar sem hafnarmannvirki og hús standa lágt.

Hér má finna sjávarfallatöflur Landhelgisgæslunnar sem sýna útreiknaða sjávarhæð í svokölluðum aðalhöfnum fram á næsta miðvikudag.