fimmtudagur, 19. september 2019
 
TölublöðVenjuleg útgáfa

Ágústaflinn minnkaði lítillega milli ára

14. september 2011 kl. 09:14

Fiskur

Botnfiskaflinn dróst saman en uppsjávaraflinn jókst.

Heildarfiskafli landsmanna nam 110.000 tonnum í nýliðnum ágústmánuði samanborið við 116.000 tonn í ágúst 2010. Botnfiskaflinn minnkaði en uppsjávaraflinn jókst.

Botnfiskafli dróst saman um rúm 10.000 tonn samanborið við ágúst 2010 og nam um 24.000 tonnum. Þar af var þorskaflinn rúm 9.500 tonn, sem er samdráttur um rúm 2.700 tonn frá fyrra ári. Ýsuaflinn nam rúmum 3.500 tonnum sem er um 2.900 tonnum minni afli en í ágúst 2010. Karfaaflinn dróst saman um tæp 400 tonn samanborið við ágúst 2010 og nam um 3.600 tonnum. Tæp 4.200 tonn veiddust af ufsa sem er tæplega 3.500 tonnum minni afli en í ágúst 2010. Um 3.100 tonn veiddust af öðrum botnfiskafla, sem er samdráttur um rúm 500 tonn frá ágúst 2010.

Rúmum 83.600 tonnum var landað af uppsjávarafla í ágúst síðastliðnum samanborið við um 79.000 tonna afla í ágúst 2010. Þar af var 23.800 tonnum landað af síld, sem er um 22.000 tonna samdráttur frá fyrra ári. Tæp 59.200 tonn veiddust af makríl samanborið við 31.800 tonn í ágúst 2010.

Sjá nánar á vef Hagstofu Íslands.