miðvikudagur, 21. ágúst 2019
 
TölublöðVenjuleg útgáfa

Allt að 32% í HB Granda til sölu

12. nóvember 2013 kl. 17:42

HB Grandi

Fyrirtækið stefnir á Aðalmarkað.

HB Grandi hf. og stærstu eigendur félagsins, Vogun hf., Arion banki hf. og Fiskveiðahlutafélagið Venus hf., hafa náð samkomulagi um að hefja undirbúning að því að hlutir félagsins verði teknir til viðskipta á Aðalmarkaði Nasdaq OMX Iceland hf, að því er segir í frétt á vef HB Granda. 

"Viðskipti með hluti félagsins eru nú á First North markaðstorgi Nasdaq OMX Iceland hf. og hyggjast aðilar leitast eftir afskráningu af þeim vettvangi sem taki gildi frá og með ársbyrjun 2014. Undirbúningur að skráningu á Aðalmarkað Nasdaq OMX Iceland hf. mun hefjast innan skamms og mun fyrirtækjaráðgjöf Arion banka hf. annast undirbúninginn," segir ennfremur. 

Síðan segir : "Áður en til skráningar á Aðalmarkað kemur hyggjast framangreindir hluthafar bjóða til sölu allt að 32% eignarhlut í HB Granda hf. Markmið sölunnar verður að stuðla að dreifðara eignarhaldi á félaginu og auka seljanleika hlutabréfa þess en viðskipti með hluti félagsins á First North hafa verið takmörkuð. Vonir standa til þess að viðskipti með hluti félagsins á Aðalmarkaði hefjist á vormánuðum næsta árs."

Sjá nánar á vef HB Granda, HÉR