mánudagur, 14. júní 2021
 
TölublöðVenjuleg útgáfa

Barði NK á ísfisk

29. september 2016 kl. 13:12

Barði NK.

Tekur við hlutverki Bjarts NK sem seldur var til Íran

Frystitogarinn Barði NK er að hefja ísfiskveiðar, að því er fram kemur á vef Síldarvinnslunnar.

Barði NK hélt til Akureyrar í lok ágústmánaðar þar sem starfsmenn Slippsins hófu að fjarlægja úr honum vinnslubúnað á vinnsluþilfari og koma síðan fyrir búnaði til meðhöndlunar á ísfiski.

Barða er ætlað að taka við hlutverki ísfisktogarans Bjarts sem seldur var til íransks fyrirtækis fyrir skömmu. Framkvæmdirnar um borð í Barða gengu samkvæmt áætlun og er hann væntanlegur til Neskaupstaðar í dag. Síðan er ráðgert að hann haldi til veiða á laugardaginn. Áhöfnin á Bjarti mun færast yfir á Barða en áhöfnin sem var á Barða mun færast yfir á frystitogarann Blæng. Blængur er nú á Akureyri þar sem starfsmenn Slippsins vinna við að koma fyrir í honum vinnslubúnaði á vinnsluþilfari.