þriðjudagur, 18. febrúar 2020
 
TölublöðVenjuleg útgáfa

Batinn gæti tekið 5-10 ár

28. ágúst 2014 kl. 11:00

Á lúðuveiðum við Ísland meðan þær voru enn leyfðar.

Hafrannsóknastofnun leggur til áframhaldandi lúðuveiðibann þar til árangur friðunar kemur í ljós.

Uppbygging lúðustofnsins er langtímaverkefni og ólíklegt að umtalsverður bati náist fyrr en eftir 5-10 ár. Vegna hægs vaxtar lúðunnar og þess hversu seint hún verður kynþroska kemur árangur friðunar ekki í ljós fyrr en að mörgum árum liðnum. 

Svo segir í skýrslu sem Hafrannsóknastofnun hefur gert að beiðni atvinnuvega- og nýsköpunarráðuneytisins. 

Hafrannsóknastofnun leggur til að áfram verði unnið að aðgerðum til verndar lúðustofninum og reglugerð um bann við veiðum á lúðu verði í gildi þar til merki um verulegan bata í lúðustofninum við Ísland komi fram. 

Í greinagerð stofnunarinnar  er fjallað um útbreiðslu og líffræði lúðunnar, veiðar á henni, ástand stofnsins, vernd og viðreisn lúðu í Norður Atlantshafi, rannsóknir á afdrifum lúðu sem er sleppt o.fl. Þá er fjallað um merkingar Hafrannsóknastofnunar á lúðu sem ráðist hefur verið í til að auka þekkingu á stofninum og áhrif veiðibannsins.