föstudagur, 17. september 2021
 
TölublöðVenjuleg útgáfa

Báturinn logaði stafna á milli

13. maí 2013 kl. 15:39

Brennandi báturinn (Mynd: Áhöfn þyrlu LHG)

Mannbjörg þegar eldur kom upp í fiskibáti

 

 

Mannbjörg varð upp úr hádegi þegar eldur kom upp í 8 metra löngum fiskibáti um 4 sjómílur SA af Arnarstapa, að því er fram kemur í frétt frá Landhelgisgæslunni.

Einn skipverji var um borð og var honum bjargað af nærliggjandi fiskibáti. Björg, björgunarskip Slysavarnarfélagsins Landsbjargar á Rifi var einnig kölluð út til aðstoðar ef þörf yrði á.

Þyrla Landhelgisgæslunnar var send ásamt slökkviliðsmönnum frá Slökkviliði höfuðborgarsvæðisins á vettvang en fiskibáturinn logaði stafna á milli og talið var að hann muni sökkva.

Þyrlan flutti skipverjann til Reykjavíkur til læknisskoðunar á spítala en hann brenndist ekki.