miðvikudagur, 23. október 2019
 
TölublöðVenjuleg útgáfa

Bergey orðin blá

20. september 2019 kl. 11:00

Bergey VE máluð blá og fær brátt nafnið Runólfur. Mynd Guðmundur Alfreðsson

Málað hefur verið yfir rauða litinn á Bergey VE og verður hún afhent nýjum eiganda í Grundarfirði á næstu dögum. Ný Bergey væntanleg frá Noregi nálægt mánaðamótum.

Bergey VE hefur verið seld Guðmundi Runólfssyni hf. í Grundarfirði og verður skipið afhent hinum nýja eiganda á næstu dögum og mun það fá nafnið Runólfur.

Síldarvinnslan greinir frá.

Bergey var smíðuð í Póllandi árið 2007 fyrir Berg-Hugin, dótturfélag Síldarvinnslunnar í Vestmannaeyjum, og hefur útgerð skipsins ávallt gengið mjög vel.

Síðustu daga hefur skipið verið í slipp í Vestmannaeyjum þar sem gengið hefur verið frá því til afhendingar. M.a. var málað yfir rauða litinn sem ávallt hefur prýtt Bergey og er hún nú orðin blá.

Ný Bergey, sem er í smíðum hjá skipasmíðastöðinni Vard í Aukra í Noregi, verður væntanlega afhent Bergi-Hugin hinn 26. september nk.