föstudagur, 23. júlí 2021
 
TölublöðVenjuleg útgáfa

Björgvin til veiða eftir endurbætur

16. júlí 2021 kl. 16:23

Björgvin EA 311 nýmálaður við Togarabryggjuna á Akureyri í morgun.

Stærstu verkþættir voru upptekt á aðalvél og viðhald á spilkerfi, þvottur og málun skipsins, ásamt ýmsum smáverkum. Verkið var unnið hjá Slippnum Akureyri og heldur skipið til veiða í dag.

Togarinn Björgvin EA 311 hefur verið í slipp síðustu vikur þar sem sinnt hefur verið ýmis konar viðhaldi á skipinu. Stærstu verkþættir voru upptekt á aðalvél og viðhald á spilkerfi, þvottur og málun skipsins, ásamt ýmsum smáverkum. Verkið var unnið hjá Slippnum Akureyri og heldur skipið til veiða í dag.

Frá þessu segir á heimasíðu Samherja.

Þar segir jafnframt að Björgvin EA var teiknaður af Bárði Hafsteinssyni skipaverkfræðingi og er einn af mörgum togurum sem smíðaðir voru í Flekkefjord í Suður-Noregi. Skipið var smíðað árið 1988, kom til heimahafnar á Dalvík í fyrsta skipti hinn 26. júlí það ár og er því orðið 33 ára. Skipið hefur ávallt verið í góðu viðhaldi og þá hefur áhöfnin gætt þess að fara vel með skipið í gegnum árin.

Skrokklag skipsins hefur alltaf þótt býsna athyglisvert. Segja má að með hönnun skipsins hafi í fyrsta sinn verið þróað stefni sem Bárður Hafsteinsson útfærði síðan enn frekar við hönnun nokkurra togara sem smíðaðir hafa verið í Tyrklandi á síðustu árum og hafa reynst afar vel.