þriðjudagur, 24. september 2019
 
TölublöðVenjuleg útgáfa

Breytingarnar gerðar á grundvelli vísindalegrar ráðgjafar

2. september 2019 kl. 12:40

Sæbjúga. (Mynd: Óðinn Magnason)

Atvinnuvega- og nýsköpunarráðuneytið um breytingar á reglum um stjórn veiða á sæbjúgum

Vegna umfjöllunar um breytingar á reglum um sæbjúgnaveiðar hefur atvinnuvega- og nýsköpunarráðuneytið sent frá sér tilkynningu til að árétta að breytingarnar voru gerðar á grundvelli vísindalegrar ráðgjafar Hafrannsóknarstofnunar.

Þar segir:

Í nýlega settri reglugerð er veigamesta breytingin sú að í stað þriggja skilgreindra veiðisvæða koma sjö veiðisvæði sem eru mun stærri hvert um sig en áður voru í gildi. Nýju veiðisvæðin eru ákveðin samkvæmt ráðgjöf Hafrannsóknastofnunar í samvinnu við ráðuneytið. Að auki má nefna að fyrirtæki geta óskað eftir tilraunaleyfi vilji þau reyna fyrir sér utan hinna skilgreindu veiðisvæða.

Tilefni framangreindra breytinga er meðal annars þróun á veiðum úr stofninum á síðastliðnum árum. Þannig er það mat Hafrannsóknarstofnunar að veiðar á síðasta ári hafi varið langt umfram það sem stofninn þolir. Við þeirri alvarlegu stöðu þurfti að bregðast.

Í síðustu viku sendi Hafnarness VER frá sér fréttatilkynningu vegna uppsagna hjá fyrirtækinu. Það sagði að uppsagnirnar mætti rekja beint til „vafasamrar og óvísindalegrar ráðgjafar Hafró við fiskveiðiráðgjöf á sæbjúgum og skeytingarleysis sjávarútvegsráðuneytisins.“