sunnudagur, 13. júní 2021
 
TölublöðVenjuleg útgáfa

Dæmdir út frá gögnum úr fjareftirliti

2. apríl 2012 kl. 13:44

Frá stjórnstöð Landhelgisgæslunnar (Mynd: LHG).

Tveir skipstjórar línubáta fengu sektir vegna ólöglegra veiða

Tveir skipstjórar línubáta voru nýlega dæmdir í Héraðsdómi Reykjaness til að greiða hvor um sig 400 þúsund króna sekt í Landhelgissjóð fyrir að hafa verið að ólöglegum línuveiðum á friðuðu svæði.

Það sérstaka við þessi mál er að í hvorugu tilfelli hafði Landhelgisgæslan tök á því að senda varðskip eða loftfar á svæðið heldur var stuðst við gögn úr fjareftirlitskerfi LHG sem reynst hefur vel undanfarin ár, bæði við eftirlit með flutninga- og fiskiskipum og í björgunaraðgerðum.

Þess skal getið að gögn úr fjareftirliti hafa áður verið notuð í dómsmálum vegna fiskveiðibrota, en árið 2002 voru tveir norskir skipstjórar dæmdir fyrir ólöglegar loðnuveiðar norður af landinu og nær eingöngu stuðst við gögn úr fjareftirliti.

Skýrt er frá þessu á vef LHG.