mánudagur, 21. júní 2021
 
TölublöðVenjuleg útgáfa

Efnismikið sjómannadagsblað Fiskifrétta

31. maí 2014 kl. 10:10

Forsíða sjómannadagsblaðs Fiskifrétta 2014

Áhugaverð viðtöl og greinar um sjómennsku og sjávarútveg.

Það kennir margra grasa í sjómannadagsblaði Fiskifrétta nú sem endra nær. Meðal efnis:

Sveitastrákur á framandi miðum – Geir Stefánsson stýrimaður segir frá ævintýralegum sjómannsferli, m.a. veru sinni á skipum frá Kamtsjatka í A-Rússlandi og tannfiskveiðiskipi frá S-Afríku. 

Átökin á Svalbarðasvæðinu – Hallgrímur Hallgrímsson var skipstjóri á Stakfelli ÞH þegar deilurnar um veiðirétt Íslands í Barentshafi stóðu sem hæst. 

Kokkurinn við kabyssuna – gamansögur af kokkum til sjós.

Hóf útgerð átta ára gamall – Matthías Jakobsson fyrrum skipstjóri á Dalvík segir frá. 

Margfaldur í roðinu – fiskroð hefur verið nýtt á ýmsan hátt bæði fyrr og nú.  

Sá ýsu fyrst þegar ég fluttist til Sandgerðis – rætt við Halldór Ármannsson formann Landssambands smábátaeigenda um sjómannsferilinn og baráttumál LS. 

Sjómennskan var heillaspor – Friðrik Ásmundsson fyrrum skólastjóri Stýrimannaskólans í Vestmannaeyjum í viðtali. 

Skarfakál gegn skyrbjúgi – nýting strandgróðurs í aldanna rás. 

Verðtíðarnar 2014 og 1964. Samantekt um aflahæstu vertíðarbáta með hálfrar aldar millibili.