Einstakur bátur reyndist vel á siglingu frá Danmörku

1. desember 2019 kl. 07:00

Aðsend mynd

Bárður SH-81

Stærsti trefjaplastbátur sem smíðaður hefur verið fyrir íslenska útgerð er kominn heim frá Danmörku og fer á veiðar þegar lokið hefur verið við að setja niður ýmsan búnað.

Bárður SH-81 – stærsti trefjaplastsbátur sem smíðaður hefur verið fyrir íslenska útgerð - kom til landsins á laugardaginn og lagðist að bryggju í Hafnarfirði. Báturinn var smíðaður af skipasmíðastöðinni Bredgaard Boats í Rødbyhavn í Danmörku.

Bárður SH-81 er í eigu útgerðarmannsins Péturs Péturssonar á Arnarstapa. Hann er 26,9 metra langur, sjö metra breiður og með 2,5 m. djúpristu.

„Bárður SH-81 er stærsti vertíðarbátur sem smíðaður hefur verið úr trefjaplasti fyrir íslenska útgerð. Bárður SH er einn fullkomnasti bátur af þessari stærð sem kemur hingað til lands og ég er ekki í vafa um að hann muni reynast vel í íslenskum aðstæðum,“ segir Hrafn Sigurðsson, einn af eigendum Aflhluta en fyrirtækið er umboðsaðili fyrir Bredgaard Boats.

Aðalvélin í bátnum er frá MAN í Þýskalandi og er 900 hestöfl. Snurvoðaspil, netatromma og stjórnbúnaðurinn fyrir snuðvoðina er með því fullkomnasta sem þekkist, og verður öll stjórnun á voðinni tölvustýrð með snertiskjá. Búnaðurinn kemur frá AS-Scan í Danmörku. Allt vökvakerfið í bátinn er einnig lagt af sérfræðingum AS-Scan. Vökvadælur og lokar koma frá Landvélum.

Niðurfærslugírinn í bátnum er TWIN DISC MGX, skrúfubúnaðurinn kemur frá Teignbridge, tvær ljósavélar frá Zenoro í Hollandi, hliðarskrúfurnar bæði framan og aftan frá ABT Track í Bandaríkjunum. Hliðarskrúfurnar hafa reynst mjög vel fyrir smærri gerð af bátum að sögn Hrafns.

Pétur Pétursson, útgerðarmaður og eigandi bátsins segist mjög ánægður með hann. „Allt sem við höfum prófað í siglingunni frá Danmörku hefur reynst vel. Við höfum auðvitað ekki lent í neinum brælum ennþá. Það verður nógur tími til að prófa það seinna meir,“ segir Pétur.

„Hér í Hafnarfjarðarhöfn verður gengið frá ýmsum hlutum í bátnum í sambandi við búnaðinn, til dæmis verður sett í hann netaspil og fleira. Ég á von á að báturinn verði í Hafnarfirði í um það bil tvær vikur. Stefnan er að hann verði kominn heim í Ólafsvík um miðjan desember.“

Myndar jafnt hnúfubaka sem hryggleysingja

Verkefni ljósmyndara Hafrannsóknastofnunar eru af margvíslegum toga. Allt frá því að taka smásjármyndir og myndir af torkennilegum sjávarlífverum yfir í myndatökur á hafi úti af sporðum hnúfubaka. Starfið er fjölbreytt og oft á tíðum líflegt.

Ráðherra staðfestir áhættumat

Uppfært áhættumat erfðablöndunar gerir ráð fyrir því að ala megi 106.500 tonn af laxi í sjó mælt í hámarkslífmassa og felur í sér 20 prósent aukningu á heimilu eldi frjórra laxa.

Að ljúka 33 ára ferli sem hafnarstjóri

Gísli Gíslason, hafnarstjóri Faxaflóahafna, segir hafnir víða á landinu glíma við svipaðan vanda. Gísli lætur af störfum næstkomandi haust eftir 15 farsæl ár hjá fyrirtækinu.

Helga María aftur til rannsóknaverkefna við Grænland

Í fyrrasumar var skipið í um þrjá mánuði við rannsóknir á útbreiðslu rækju við Vestur-Grænland í samstarfi við grænlensku hafrannsóknastofnunina.

Sjávarakademían sett á laggirnar

Sjávarakademían er í nánu samstarfi sjávarklasans og Fisktækniskóla Íslands.

Blængur heim með fullar lestar

Uppistaða aflans grálúða eftir 35 daga túr.

Einstakur bátur reyndist vel á siglingu frá Danmörku

Stærsti trefjaplastbátur sem smíðaður hefur verið fyrir íslenska útgerð er kominn heim frá Danmörku og fer á veiðar þegar lokið hefur verið við að setja niður ýmsan búnað.