laugardagur, 19. október 2019
 
TölublöðVenjuleg útgáfa

Eldisfiskurinn sækir á þann villta

6. desember 2013 kl. 09:29

Með fangið fullt af tilapíu. Úr eldistjörn í Kína.

Alltof lítill greinarmunur gerður á villtum fiski og eldisfiski í markaðsstarfi.

Framboð á eldisfiski frá Asíu, einkum tilapíu og pangasíus, hefur farið ört vaxandi á liðnum árum og keppir hann við villtan hvítfisk úr veiðum.

Tilapíuflök eru t.d. boðin til sölu af stórfyrirtækinu High Liner undir vörumerki Icelandic í Bandaríkjunum á svipuðu verði og sjófryst flök, að því er fram kom í erindi Steindórs Sigurgeirssonar framkvæmdastjóra á Sjávarútvegsráðstefnunni á dögunum. High Liner er sem kunnugt er kanadíska fyrirtækið sem keypti starfsemi Icelandic Group í Bandríkjunum og heldur utan um Icelandic vörumerkið þar í landi.

Steindór lýsti þeirri skoðun sinni að í markaðsstarfi á Vesturlöndum væri alltof lítill greinarmunur gerður á villtum heilbrigðum fiski úr hreinum sjó og eldisfiski frá Kína og fleiri Asíulöndum  sem framleiddur væri við misheilnæmar aðstæður. 

Nánar er fjallað um erindi Steindórs í nýjustu Fiskifréttum.